*Ji bin zozanên dibin berfêdemayî, ji nav dilên bi xwehezî û naşîbûnê fetisî, ji jêr fermanên komkujiya hestan, ji dorpêça hiş û bîrên hesinî ku hestan tune dikin, ji tarîtiya bêxêr, ji awirên hesud, ji evînên derew, ji peyvên tirsonek, ji tevgerên bizdonek, ji silavên sar û dilên bê ar vejîneke azadiya Kurdewariya wêjeya Mîr Qasimlo...*

Agirî Soran

*Di Giyanên Bahozî de lêgerîna encamek stendiye û mirov kare bibêje ku êdî şêwaza nivîsandina Mîr rûdinê. Ji îro pê de dê mirov karibe bibêje ev ziman ango ev hevok yên Mîr Qasimlo ne. Xweseriya Mîr ya bi lîstika hevokan êdî taybetiyek wî ye. Giyanên Bahozî sentezek e, ku alternatîfek jiyanê pêşkêşî jin û mêrên Kurd dike...*

Berfo Barî

*Romannivîs Qasimlo bi vê helwesta xwe, nola ku bi gotina Faulkner dibêje *romannivîsê herî baş ew nivîskar e ku tixûbê exlaqê derbas bike* pêk anîbe dixuyê. Bi rastî jî tixûbê exlaqê çirandiye û avêtiye ser sergoyan… Lê civak, xwîner vê rewşê çawa pêşwazî dike, em dê di herka demê de bibînin…*

Mahmut Ozcelik

*Evîn mîna meyeke kevnbuyî ye, bahoza Qasimlo evînê zindî dike...*

Ciwan Tengezar