Mela Husnî Hezîn, kesayetekî alim, şair, edîb û seydayekî xwedan-medrese ye. Di feqîtî û melatiya xwe de li gelek ciyan geriyaye, li bal gelek alimên hêja xwendiye. Ew di vê kitêba xwe de qala xatireyên xwe yên feqîtiyê, heyata medreseyê, seydayên xwe, hevalên xwe û seyahetên xwe dike. Ew digel xatireyên xwe, bi zimanekî rewan gelek şîret û hîkmetên wek « kertên hesinî », wek nexşê li ser kevir ji xwendekar re dibejê.

***
Dem dema we ye, tilîno ! Bigerînin qelemê
Ser rûpelan da ji bona birijîne hîkemê

Îro behar e, gul û bulbul bi hev ra bûne cot
Bin’vîsînin bê hedan, rakin ji dil derd û xemê

Rojekî tê, can ji cûf, qelem ji tilyan diqete
Her wekî Leyla ji Mecnûn, Zîna Cezîrê ji Memê