Piştî bîstekê deriyê menzelê vebû; hûriyek bi hemû ciwanî û cemaliya xwe ve kete hundir.

“Bejna wê wekî şitla rihanê
Birûyên wê wekî heyv û kevanê
Çavên wê reştir ji kila suphanê
Şewq û şemala wê dibiriqî wekî heyva çardeşevî li esmanî
Ê bidîta dibû dîn û dîwane
Derdiket ji dîn û îmanê.”

Navê keça Paşa, Xunava Delal bû. Dema ku çavên Zinar bi Xunavê ket, çavên wî zîq bûn û devê wî beş bû.