Hin hozan hene ku newa û kelama wan li rûyê dinyayê olan dide. Ji van kesan yê pêşîn Homeros e ku Proklos di sedsala 5’emîn de ji bo wî gotibû ew “hemwelatiyê dinyayê” ye. Yê duyem jî Evdalê Zeynikê –Homerosê Kurdan- e ku wî karibûye bibe hemwelatiyê dinyayê. Yê sêyem jî Şakiro ye, “Şahê Dengbêjan” e. 
Ji bo Şakiroyê ku divê hemû dinya nas bike û herwiha ew jî bibe “hemwelatiyê dinyayê”, ev pirtûka Kamuran Demir merheleyeke girîng e. Ev berhem wê ji bo newa û kelamê bibe asoyek, wê baskên nû pê ve bike. 
Fecri Polat
Her çand bi hunermendên ku dengên çanda xwe dibin siberojê bilind dibe. Şakiro nirxekî wisa ye. Dengê wî wek orkestrayeke yekane ye ku ji lûtkeyên çiyayan bigire heta li bajaran, heta li nav karkerên fabrîqeyan belav dibe. Ji ber ku çanda Kurdî xwedî nirxekî wiha ye, bextewar e. Ji ber ku Kamuran Demir di nav vê çandê de ye û berhemdêriya wê dike, ev yek bextewarî ye. Bi xêra vê berhemdêriyê ev nerît wê tevî warê akademiyê bibe. 
Özkan Öztaş