Ez keştiyek xembarim
Li ser ava tarîderyayê
Ne rêgeh li min diyare
Ne jî yek lîman
Bi ber bayek nepen ketime
Tevî neçariye xwe
Di dexlika min de
Çîrokek nîvcomayî
Û newaya flûta nixwiriya min
Ya ku ji gohdar kirina wê
Bêpar mam…

Bi çavên rewa
Teşiya azaran dirêsim
Li ser çokên bê qidûm
Hevok diperpitin
Li ser zimanê keserxwir
Ji şevê re
Dengê flûta te dihûnim
Di vê rêwîtiya bêvegerde

Awazên flûta te ya efsûnî
Dibe rêgaha min…