Her pênc berhemên Furûx Ferûxzad “Hêsîr”, “Dîwar”, “Isyan”, “Vejîneke Din” û “Baweriyê Bînin Em Bi Destpêka Demsala Sar” di kitêbekê de kom bûn û bi navê “Baweriyê Bînin Em Bi Destpêka Demsala Sar” çap bûn.
Bi kurdiya Hatice Kiliç

‏Ji berhemê
“vegere bi min re
vegere bi min re
vegere ser destpêka cism
ser hêlîna bêhndar a yek avikê 
ser lehzeya ku ji te afirîm
vegere bi min re
ez nîvco mame ji te 
 
aniha kevok 
ser lûtkeyên memikên min
bask vedidin
aniha li nav qozeya lêvên min
perperokên ramûsanê 
diponijin ser fikra fîrarê
aniha mihraba laşê min
amade ye bo sicdeya evînê
 
bihêle di penageha şevê de ducanî bim ji heyvê  
bihêle da tijî bim
bi dilopên piçûk ên baranê
bi qelbên hîn negihîştine kamiliyê
bi hecma zarokên hîn nehatine dunê
bihêle da tijî bim
belkî evîna min bibe dergûş bo welidîna Îsayekî din”
 
Baweriyê Bînin Em Bi Destpêka Demsala Sar